Почнаа активностите за изградба градинка во Ангелци, ќе биде со капацитет од 55 дечиња објави Јанев (видео)

1875

Почнаа подготвителните работи за изградба на детска градинка со капацитет за згрижување на 55 дечиња во населеното место Ангелци општина Василево која треба да никне во кругот на подрачното училиште Гоце Делчев. Градинката влезе во годишната програма на Миниситерството за труд и социјална политика за што уште во Јануари беше потпишан договор со општина Василево. Како што објави градоначалникот на Василево Марјан Јанев комплетната изградба со комплетно внатрешно опремување треба да заврши во рок од 16 месеци. Градоначалникот Јанев најави и партерно уредување на просторот околу повеќенаменското игралиште во Ангелци за што деновиве бил распишан тендер во висина од 4,7 милиони денари .

,,Со изградбата на оваа детска градинка ќе им овозможиме  на родителите од ова и соседните населени места сигурно катче за згрижување, престој, едукација, воспитување и социјализација на нивните деца  од најмала возраст и можност растеретени од грижата  за згрижување на своите деца, да се посветат на своите работни обврски, стварајќи подобра иднина за себе и семејствата. Градинката е наменета за згрижување на дечињата од населените места Ангелци, Градашорци, Седларци,  Едрениково и населеното место Вељуса кое иако не е под општина Василево е блиску до Ангелци и  има одлична патна порзаност. Средствата за изградба на детската градинка и комплетно внатрешно уредување  изнесуваат околу 14,5 милиони денари  односно 230 000 евра.“, рече Јанев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.