Почина актерот Ванчо Крстевски, струмичкиот театар со Комеморативна седница

673

По долго боледување на 60-годишна возраст вчера почина актерот на Струмичкиот народен театар Антон Панов, Ванчо Крстевски кој цели 38 години беше на театарската сцена.

Крстевски кој има одиграно 100 тина улоги е добитник на повеќе награди за својата актерска игра а пред три години одбележа 35 години актерска работа. Со Бранко Бенинов ја одиграа претставата „Петтиот чин“. Учествувал и во повеќе телевизиски проекти, а исто така и во филмски улоги во „Прашина“ на Милчо Манчевски, „Жената што ги избриша солзите“ на Теона Митевска и други.

По повод смртта на актерот Ванчо Крстевски, денес во 11:00 часот во НУЦК „Антон Панов“ во Струмица, вработените во театарот ќе одржат Комеморативна седница. Погребот ќе се изврши во 14 часот на Градските гробишта во Струмица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.