Постигнат договор за откупната цена на компирот – блокада на патот кон Иловица и Штука нема !

379

Земјоделците од населените места Иловица и Штука, ги отстранија блокадите кон населените места откако денеска во соработка со дополнителниот заменик министер за земјоделство Цветан Трипуновски  и откупувачите постигнаа договор околу откупната цена.  Компирот во наредните 10 дена ќе се откупува по цена од 20 денари при што нема да има одбитоци.  После овој период засегнатите страни повторно ќе седнат на маса да ги договорат следните чекори.

Протестите со целосна блокада на раскрсницата што води кон двете села, Иловица и Штука  започнаа вчера во знак на револт поради ниската откупна цена од 15 денари за килограм која според земјоделците не ги покрива ниту основните трошоци за производство.

Според првичните проценки, за договорениот период од 10 дена треба да бидат откупени околу 700 тони млад компир само од регионот на општина Босилово.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.