Полицискиот час останува, деновиве ќе се одлучува ќе има ли дополнителни рестрикции, објави Филипче

463

Министерот за здравство Венко Филипче објави дека полицискиот час од 22 до 5 часот ќе продолжи и во наредниот период со оглед напоследните бројки на ново дијагностицирани лица и на лица кои имаат потреба од хоспитализација. Според него, во текот на неделата дополнително ќе се разговара за воведување поостри рестриктивни мерки. Ако се влоши состојбата, ќе се бара зголемување на полицискиот час и намалување на работното време на кафеаните и кафулињата.

,,Полицискиот час продолжува. Забраната за движење е од 22:00 часот до 05:00 часот наутро. Комисијата за заразни болести во текот на следните денови согласно епидемиолошките анализи ќе утврди дали се потребни и дополнителни рестрикции. Апелирам на почитување на здравствените мерки и протоколите,, објави министерот Филипче

Во изминатото деноноќие од компликации од ковид-19 во земјава починаа 25 лица на возраст од 61 – 91 година, а од 2.730 тестирања регистрирани се 642 нови случаи или 23,5 отсто од тестираните. Во Југоистокот две лица од  Гевгелија и Валандово починале а се евидентирани 27 новозаболени и тоа во Струмица 13, во Гевгелија 7, Богданци 6 и РАдовиш 1.

Регистрирани се 524 оздравени пациенти во земјава од кои 24 во Југоистокот и тоа во Гевгелија – по 12, Струмица – 6, Валандово – 5, Дојран –  1.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.