Победа на ракометарите на Астраион, славеа во драматична завршница против Кичево (видео)

365

Ракометарите на Астраион од Струмица ја забележаа и третата победа во првенството откако на домашен терен со 33:32 славеа против Кичево. Драматичен натпревар во кој струмичани во финишот од средбата ја забележаа победата и успеаа во клучниот момент со четири играчи на терен да се одбранат и да не дозволат реми.

Инаку двата тима беа рамноправни на теренот. Струмичани предводнеи од расположениот Ончев го диктираше темпото во првото полувреме кое заврши во корист на Астраион со 16:15. Егал беше резултатот се до последните минути од мечот кога гостите беа на дофат на реми или пак можна победа. Сепак домакините тоа не го дозволија

Иванче Ончев со 15 и Марко Стојанов со 10 гола беа најефикасни кај струмичани во чии табор блескаа и голманите Мартин Перовановиќ и александар Гоџиров. Инаку ова е трета победа на струмичани кои последниве неколку кола играат далеку подобро за разлика од стартот од првенството во рамките на Првата лига група Б.

 

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.