Пандевци ремизираа со Борец на свој терен, Тренчовски превзеде одговорност и поднесе оставка, зa нов тренер се споменува Костов

1379

Фудбалерите на Академија Пандев ја продолжуваат серијата лоши резултати, откако денеска на домашен терен одиграа без голови со тимот на Борец од Велес. Одговорноста за новиот кикс на ,,пандевци’’ ја превзеде шефот на стручниот штаб Југослав Тренчовски кој поднесе оставка а раководството на клубот како што пренесуваат меидумите ја прифати. Тренчовски за Дрнка.МК потврди дека си поднел оставка со надеж дека ќе има нова свежина во тимот во вториот дел од сезоната.

,, Вистина е. Кога нешто не оди, тренерот е тој што прв одговара. Неможам да гледам како клубот ми тони а без да превземем некој чекор кој мислам дека ќе внесе нов елан и живост во тимот,, ни изјави Југослав Тренчовски кој со години го водеше сениорскиот состав на Академијата од општинска до Прва лига и со кое водство ,, пандевци,, ја донесоа првата фудбалска титула во Струмица.

Како што ни изјави Тренчовски кој од страна на ФФМ беше прогласен за тренер за минатата сезона, овие денови ќе се разговара со раководството од клубот и ако има потреба останува во Академијата.

Дел од спортските портали објавија дека Влатко Костов ке го замени Тренчовски на кормилото на Академијата која веќе во среда игра реванш пред своја публика за пласман во полуфиналето од Купот. По првиот меч има предност од 1:0.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.