Општина Василево го санира патот до Старо Владевци, деновиве санација и на патот до Нова маала

705

Општина Василево деновиве почна со санација на локалниот патен правец од Ново до Старо Владевци кој се наоѓаше во мошне лоша состојба. Се врши поставување на нов асфалтен слој на позиции каде патот беше  уништен и преставуваше проблем за сите учесници во сообраќајот.  Како што информираше градоначалникот Марјан Јанев санацијата е резултат на средбите со жителите од Владевци кои ги пренеле своите потреби во врска со овој пат кој секојдневно се користи

,,Интервенцијата е резултат на средбите што контуинирано како општина ги имаме со жителите од населените места. Тие на овие средби, на еден непосреден начин ги истакнуваат проблемите и потребите, така беше и во Владевци. Ние како општина сме тука да пристапиме кон решавање на нивните проблеми и потреби и со наши средства буџетски почнавме со санација. Очекуваме одобрување средства од централните институции за комплетна реконструкција на овој локален пат’’ ни изјави градоначалникот на Општина Василево Марјан Јанев

Освен овој патен правец според најавите од градоначалникот Јанев во наредниот период ќе следува санација на локалниот пат од Добрашинци кон Нова Маала на позиции кои се доста оштетени и преставуват проблем за учесниците во сообраќајот.  Како што информираа општинските власти наскоро се очекува да отпочнат и активностите за сфалтирање на локални улици и патишта во населените места на Општина Василево, што е предвидено во годишната програма

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.