За влез во Македонија од петок нема потреба од PCR тестови и изолација а ќе бидат отворени и аеродромите, одлучи Владата

3597

Техничкиот премиер Оливер Спасовски на својот ФБ профил објави дека целосно се отвораат границите за непречено движење на патници и возила при што нема да има потреба од приложување негативен PCR тест за коронавирус ниту пак ќе има спроведување на задолжителна самоизолација или пак државен карантин. Како што стои во објавата на Спасовски на ФБ ваква одлука донела Владата на денешната седница

„Од петок, 26 јуни 2020 година, целосно да бидат отворани сите гранични премини за непречено движење на патници и возила без приложување на PCR тестови, и без упатување во домашна изолација или спроведување во задолжителен државен карантин. Владата денеска донесе Одлука од петок, 1 јули, да бидат отворени за сообраќај и Меѓународниот аеродром Скопје и на Аеродромот „Св. Апостол Павле“ во Охрид. Согласно овие одлуки Владата денеска донесе одлука да биде укината забраната за организиран превоз“, напиша Спасовски.

На денешната седница Владата донела одлука, исто така од петок, 26 јуни, угостителските објекти да можат да работат и во внатрешноста на објектите преку соодветен протокол за работа.Од петок, 26 јуни 2020 година, се дозволува и работата на теретаните и вежбалните, а моловите, од истиот датум, ќе можат да работат и во неделите.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.