Објавен огласот за распределба на 52 социјални стана во Гевгелија, помош за аплицирање ќе дава и ЦСР Гевгелија

2872

До 20 ти март може да аплицираат социјално ранливите категории граѓани од Општина Гевгелија за добивање стан од социјалната зграда што се изгради на улицата ,,Ацо Шопов“ бр 47. Станува збор за вкупно 52 стамбени единици со површина од 35 до 49 метри квадратни. Зградата е со површина од приближно 2.400 метри квадратни со четири ката и приземје. На приземје има четири стана наменети за инвалидизирани лица а на катовите има по 12 стана.

Право на пријавување имаат следните категории граѓани: Деца над 18 години без родители кои до својата 18-та година биле згрижени во институции за деца без родители, корисници на право на гарантирана минимална помош, лица погодени од елементарни – природни непогоди, лица со попреченост и семејства со лица со попреченост, лица припадници на Ромската заедница кои се социјално загрозени и самохрани родители со малолетни деца

Министерот за транспорт и врски Благој Бочварски ги повика заинтересираните лица да аплицираат во Центарот за социјални работи во Гевгелија чии службеници, доколку имаат потреба, ќе им помогнат во процесот на комплетирањето на документацијата.

Огласот за распределба на социјални станови во Гевгелија може да се виде ТУКА

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.