ЦИА ,,Новус” со препораки за подобар интеркултурен и интеррелегиски дијалог во струмичко меѓу младите

524

Центарот за истражување и анализи НОВУС изминатиот период работеше на проектот “United in Diversity – Обединети во различностите” кој има за цел унапредување на интеркултурниот и интеррелигискиот дијалог помеѓу населението во струмичко. Станува збор за проект поддржан од НДИ, со кој НОВУС направи истражување како младите го перципираат интеркултурниот и интеррелигискиот дијалог но и кои се мерки и чекори треба да се превземат за да бидат подобро практицирани верските слободи и права и генералниот основнни човекови слободи и права кај младите.

Во истражувањето биле опфатени 181 испитаник претежно млади  од струмичкиот микро регион конкретно општините Струмица, Василево, Босилово, Ново Село при што се опфатени лица од повеке етнички и верски припадности. Поставени се повеке прашања при што и за клучната улога на верските заедници .

,, Верските заедници се клучни во одржувањето позитивен меѓурелигиски дијалог. Во тој контекст, 63,5% од испитаниците одговориле дека религиските заедници не работат доволно за подобрување на интеррелигискиот дијалог помеѓу припадниците на различни религиски групи,, стои во истражувањето на НОВУС во кое стои дека најприфатливи механизми за промовирање на интеркултурниот и меѓурелигискиот дијалог се специјалните едукативни програми во училиштата, медиумските кампањи и научните конференции и семинари.

Во рамките на проектот ЦИА Новус од Струмица изработи и брошура во која се поместени позначајните верски објекти и културно историски споменици во Струмица и струмичко. Брошурата која е илустрирана со фотографии за секој објект или културно историски споменик и има за цел јавноста да се запознае со верските објекти на останатите етнички и религиски заедници се со цел да се прифатат различностите.

Покрај брошурата и истражувањето е изготвена и платформа која се наоѓа на веб страната на НОВУС со наслов United in diversity која служи за запознавање на основните човекови права,  верски слобода и права и место за повеќе информирање и пријавување во случај на прекршување на верските права и слободи, слобода на изразување и пријавување говор на омраза и криминал од омраза.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.