Нова победа на второлигашот Струмица, му оддржа кошаркарска лекција на екс прволигашот Шкупи од Скопје

1380

Кошаркарите на Струмица ја забележаа и втората победа во Втората лига откако на свој терен забележаа победа против ланскиот прволигаш скопски Шкупи со 84:51 (26:08, 18:17, 29:07,  11:19). Во ниту еден момент не беше доведена во прашање победата на избраниците на Зетов и Цикарски  кои настапија без искусниот Макенаџиев кој беше повреден во дуелот со Борец во Велес во второто коло,

Струмичани мечот од третото коло против Шкупи го започнаа фуриозно за што зборува резултатот од 26:08. Гостите се обидуваа да направат баланс во играта но не можеа поради одличната одбрана на домашниот состав. На полувреме струмичани заминаа со 19 поени разлика (44:25). Во третиот период  струмичани ја заверија убедлвиата победа над Шкупи откако го добија со 29:07 а опуштање следуваше во последниот кој го доби скопскиот состав со плус 8 разлика.

Кај струмичани со исклучок на Мартин Ѓоригев сите постигнаа поени . Најефикасен беше Благој Димитриев кој постигна 14, Миле Георгиев 13, Божидар Николов 11, Тодор Божинов и Васил Пиперевалиев постигнаа по 10, Драган Абрашев и Илија Пелтековски уфрлија по 8, Благој Динев постигна 6 а Душан Ахтаров и Васил Вучков по 2 поени. Следното коло и гостуваат на Ринија во Куманово.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.