Николовски најави нов модел на субвенции за земјоделците – ќе нема само по површина

381

Нов модел на субвенционирање на земјоделците со зголемена контрола и дополнителни услови за добивање финансиска поддршка најави во емисијата „Студио 10“ на ТВ 24  министерот за земјоделство Љупчо Николовски.

Првичната верзија е помината на владина седница, а предвидува земјоделците да добиваат субвенција не само за поседување обработлива површина земја, туку и за остварено производство. Целта е да се поттикне поголемо производство храна и да се намали увозната зависност на земјава, а акцентот ќе биде на стратешките култури, вели Николовски.

,,Основната субвенција би ја добивале земјоделците кои обработуваат земјоделски површини со едногодишна култура. Дополнителната субвенција, пак, е врзана со остварен принос, но и со предавање на производството во регистрирани домашни капацитети,, додава Николовски.

Тој порача дека за прв пат државата ќе ги насочи земјоделците кои култури да ги произведуваат. Според него, тие не треба да гледаат кое производство има најголеми субвенции туку кое се бара на пазарот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.