Не е доволно само да се вратите во Хрватска за да добиете 26.000 евра

103

Насловот што се споделува во постот на Фејсбук креира погрешна слика дека единствениот услов за добивање на финансиска стимулација е некој да се врати во Хрватска. Што не е точно. Хрватската влада неодамна предложи нови демографски мерки наречени „Ја избирам Хрватска“. Со нив се предвидува стимулација од 200 илјади куни или околу 26 илјади евра за повратниците од ЕУ. Се работи за поттикнување на самовработувањето во износ од 20 илјади евра, зависно од индустријата и дополнителни 7 илјади евра ако некој се враќа од ЕУ за преселба. Со оваа мерка, хрватската влада сака да ги поттикне оние кои се преселиле во други европски земји да најдат мотив да се вратат во Хрватска. Меѓутоа, како што може да се види и од самото соопштение на хрватската влада, има огромен број на услови за да се добие финансиската поддршка

Рецензираме пост на Фејсбук во којшто е пренесен сензационалистички и фактички неточен наслов:

Кој ќе се врати од странство во својата татковина ќе добие 26 илјади евра, нова мерка на владата на Хрватска

Во самиот текст воопшто нема никакво појаснување за новата мерка на хрватската влада што се споменува во насловот –  дека некој ќе добие 26 илјади евра доколку се врати во Хрватска.
Во него пишува дека во Хрватска има голем недостиг на работници откако граѓаните се иселиле во земјите на ЕУ како Германија, Австрија и Ирска. Потоа се вели дека Хрватска веќе се подготвува за новата туристичка сезона и дека угостителската комора бара работници, меѓу кои некои доаѓаат и од Македонија.
Но тоа што во угостителскиот сектор на Хрватска има недостиг на работници, како и тоа дека дел од Македонците одат на работа во Хрватска, буквално нема никаква поврзаност со мерката од 26 илјади евра.
Со македонска агенција за вработување имаме квалитетна соработка долги години, а од следната година планираме да ги истражиме можностите за соработка со агенции кои вработуваат работници и други пазари на труд – велат од Хрватската угостителска комора.

И толку. Vо написот не е наведено ништо друго.

 

На што се однесува мерката?

Хрватската влада неодамна предложи нови демографски мерки наречени „Ја избирам Хрватска“. Со нив се предвидува стимулација од 200 илјади куни или околу 26 илјади евра за повратниците од ЕУ. Владата ќе им ги даде овие пари и на оние кои ќе сакаат да го преселат бизнисот во понеразвиен дел од Хрватска. Се работи за поттикнување на самовработувањето во износ од 20 илјади евра, зависно од индустријата и дополнителни 7 илјади евра ако некој се враќа од ЕУ за преселба. Со оваа мерка хрватската влада сака да ги поттикне оние кои се преселиле во други европски земји да најдат мотив да се вратат во Хрватска. Меѓутоа, како што може да се види и од самото соопштение на владаta, има golem број на услови, многу повеќе од самото враќање во Хрватска, за да се добие финансиската поддршка.
Претседателот на Владата на Хрватска, Андреј Пленковиќ рече дека оваа мерка – „Ја избирам Хрватска“, е надградување на мерката за самовработување.
Моменталниот режим е да добиете максимално до 130 илјади куни ако имате бизнис план и идеја, ја претставите, ви е одобрен проектот и добивате еден дел од парите пред, а друг дел после реализацијата. Добивате пари и понатаму заокружено на 24 месеци.  Од досегашните кориснци кои ја користат оваа мерка, 85 проценти и понатаму работат. Застанаа на нозе, ја остварија бизнис идејата и самостојно оперираат на пазарот. Со оваа идеја ние сакаме да го подигнеме прагот од 130 на 150 илјади куни за оние кои последните две години или минимално една година, биле вработени во некоја држава членка на ЕУ. Како мотив за враќање, би добиле уште 50 илјади куни. Значи, максимално 200 илјади куни, рече Пленковиќ.
Oд овој пример станува уште појасно дека не е доволно само да се вратите во Хрватска од некоја друга ЕУ земја за да ги добиете парите. Потребен е бизнис и преселба на бизнисот од другата држава во Хрватска.
Некој кој, да речеме, денеска работи во Германија како водоинсталатер и таму стекнал искуство и знаење, разбира како функционираат процесите, а можеби, сепак, смета дека има врски со татковината, дека таму има семејство, пријатели, дека таму израснал и одел во училиште и би сакал тоа што го стекнал во странство, во Германија, Италија, Швајцарија да го примени во Хрватска. Ако се пријави за оваа мерка и му е одобрен планот, може да добие и до 20 илјади куни, рече Пленковиќ.
За овие услови нема ниту збор во текстот што го рецензираме, односно не е објаснето дека е потребен бизнис план кој подоцна треба да биде презентиран и одобрен. Насловот креира погрешна слика дека единствениот услов за добивање на финансиската стимулација некој да се врати во Хрватска. Што не е точно. Допoлнително, тоа се доведува во корелација и со недостигот на работници во угостителството и туризмот, што, исто така, е неповрзано со мерката која ја презентираше хрватската влада.
Поради  сето ова оценуваме дека во овој пост е пропуштен контекстот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.