Нема нови регистарски таблици за моторни возила – од МВР најавија идната недела ќе се испорачаат

728

Околу  две недели не може да се добие нови регистарски таблици за сите видови моторни возила во станиците за технички преглед во Струмица.  Сите кои набавиле нови возила или пак ги изгубиле или оштетиле постоечките таблици не можат да добијат нови, бидејки преку во преставништавата на СВР Струмица во станиците немало на лагер регистарски таблици.

Дека  има застој во испораката на регистарски таблици во Струмица потврдија и од МВР од каде соопштија дека изминативе денови за овој регион биле пуштени минимален број се додека не почне да  врши испорака новиот економски оператор избран за таа намена но не соопштија за која фирма станува збор.

,,Потпишана е Рамковна спогодба која се однесува на регистарски таблици. Избран е нов економски оператор и е можен мал застој поради технички причини во издавањето, но набрзо ќе биде решено,, инфомираа од МВР од каде соопштија дека идната недела ќе бидат испорачани регистарски таблици насекаде во државата каде недостасуваат

Регистарски таблички МВР досега набавуваше од фирмата Раде Кончар од  Скопје. Во декември 2019 тата беше потпишан договор за една година во висина од 575 илјади евра за испорака на 80 илјади пара регистарски таблици.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.