Нема да се одложи струмичкиот карневал поради појавата на еден пациент со корона вирус. Одлуката ја донел организациониот одбор во корелација со координативното тело од Скопје од каде не добиле било каква препорака или одлука за откажување на манифестации и поголеми јавни собири. Како што кажа претседателот на организациониот одбор Александар Цицимов Струмичкиот карневал ќе се реализира според предвидената програма
,, На состанокот на организациониот одбор со градоначалникот ги разгледавме сите аспекти и го отворивме ова прашање. Од координативното тело од Скопје засега нема дадено забрана за одржување на било какви манифестации во земјава ниту пак ние добивме препорака. Бевме на линија и со нив и одлучивме да го тераме карневалот бидејки откажувањето ќе носи и поголема паника ’’, кусо изјави Александар Цицимов
Токму поради појава на корона вирус во регионот средношколкса каренвалска група од Србија по препорака на училиштето го откажа учеството на Струмичкиот карневал. Според Цицимов останатите 10 тина странски групи ќе бидат дел на главното дефиле.
Струмичкиот карневал стартуваше синоќа кога градоначалникот Коста Јаневски симболично им го предаде клучот на карневалистите кои во наредните денови ќе владеат со градот. Главното карневалско дефиле е закажано во сабота кога по струмичките улици треба да поминат околу 1500 карневалисти од земјава но и од Бугарија, Србија, Црна Гора, Хрватска, Грција, Словенија, Босна и Германија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
