На патот Радовиш – Штип полицијата во камион пронајде 36 мигранти, возачот побегнал

208

Вчера на магистралниот патен правец  Радовиш-Штип во камион марка ,,мерцедес’’  пронајдени биле 36 мигранти. Возачот на камионот со скопски регистарски ознаки како што информираше МВР не застанал при дадениот знак на полицајците да го сопре возилото, туку тоа го сторил после еден километар при што веднаш избегал.

,,На 05.09.2020 околу 04.00 часот на магистралeн пат Радовиш-Штип, во близина на клучка за Неготино, полициски службеници дале знак за запирање на товарно моторно возило „мерцедес“ со скопски регистарски ознаки, кое не застанало и продолжило уште околу еден километар. Потоа возачот го запрел возилото и го напуштил местото на настанот. При преглед во возилото биле пронајдени 36 лица-мигранти (11 од Пакистан, 9 од Авганистан, 7 од Сирија, 5 од Бангладеш, 2 од Иран и по еден од Ирак и Турција).Се преземаат мерки за пронаоѓање на возачот и расчистување на случајот’’ соопшти МВР

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.