На патот Валандово-Струмица, фатени скопјани кои со три возила превезувале 17 мигранти од Бангладеш, сите се приведени

1760

Во текот на вчерашниот ден, полициски службеници од СВР Струмица и Регионалниот центар за гранични работи Исток, на регионалниот пат Валандово – Струмица во три возила пронашле 17 мигранти од Бангледеш.

– Полициски службеници од СВР Струмица и Регионалниот центар за гранични работи Исток, на регионалниот пат Валандово – Струмица на влезот во Струмица, кај месноста „Куклишка раскрсница“, запреле патничко возило „сеат алтеа“, со скопски регистарски ознаки, управувано од Б.С.(29) од с.Никуштак, патничко возило „фолксваген пасат“, со скопски регистарски ознаки, управувано од Н.И.(21) од Скопје и патничко возило „ауди А6“, со скопски регистарски ознаки, управувано од Б. Х.(25) од Скопје, соопшти МВР.

При преглед, се вели во соопштението, во возилата биле пронајдени 17 лица мигранти од Бангладеш, додека возачите и мигрантите се приведени во СВР Струмица за понатамошна постапка.

Од МВР информираат дека по целосно документирање на случајот, ќе бидат поднесени соодветни поднесоци.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.