На железничката во Гевгелија откриени 62 мигранти во два товарни воза кои пристигнале од Грција

2430

Во текот на вчерашниот ден полициски службеници од ПС ,,Богородица” на железничката станица во Гевгелија во два случаи откриле дури 62 мигранти, кои биле натоварени во товарни возови, информира МВР. Во првиот случај при контрола на товарен воз кој на Железничката станица Гевгелија пристигнал од Република Грција во 15,25 часот, откриени биле 42 илегални мигранти од кои 38 од Мароко, двајца од Сирија и двајца од Алжир. Акцијата ја спровеле полицајци од земјава но и од Чешка и Австрија

Три часа подоцна како што стои на сајтот на МВР или поточно во 19 часот повторно при контрола на товарен воз кој пристигнал од Република Грција од страна на полициски службеници од ПС „Богородица“ и службеници од Чешка и Хрватска биле откриени 20 илегални мигранти од кои осум од Пакистан, седум од Авганистан, три од Мароко и двајца од Алжир

Сите мигранти биле пренесени во Прифатниот центар во Гевгелија

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.