Над 4 000 земјоделци од Југоистокот, користат податоци од поставените 23 агрометео станици

710

Повеќе од 4 000 земјоделци од Југоистокот ги користат податоците од поставените агрометеоролошки станици во изминатиот период од страна на Центарот за развој на Југоисточниот плански регион. Преку станиците земјоделците добиваат податоци за временските состојби и тоа за температурата на воздухот и почвата, влажноста, можноста од појава на ветрови и за точката на росење и замрзнување. На тој начин тие ќе може да превенираат од можни појави на болести.

Овие информации ќе ги добиваат преку мобилната апликација „Метеобот“ или на веб страната  Агројуг  каде во реално време се отчитуваат податоците од сите станици, а фармерите треба да ги користат резултатите од станицата која е најблиску до нивното земјиште.

,,Поставувањето на 23-те агрометереолошки станици се од голем бенефит за граѓаните на Југоисточниот плански регион, и податоците ги користат преку паметни телефони од мобилна апликација каде што ги дава сите параметри во однос на временската прогноза, а дополнително на веб страната има параметри и за предвидување болести кај растенијата. Досегашните резултати што даваат во однос на користењето е дека повеќе од 1000 корисници ја користат веб страната а над 3000 корисници ја користат мобилната апликација преку паметни телефони, а нашата цел е со текот на времето и се повеќе да го промовираме проектот со цел повеќе да се користат и да го зголемиме производството во југоисточниот плански регион’’, вели Жулиета Ѓуркова, раководителка на Центарот за развој на Југоисточниот плански регион.

23 те Агрометеоролошки станици се поставени во сите 10 општини во Југоисточниот регион за модернизација и подобрување на земјоделското производство со вкупна вредност од  5.077.786 денари. Покрај подобрување на квалитетот на овошјето и зеленчукот со намалување на обемот на третман со хемиски препарати на земјоделските култури, овие станици ја намалуваат загаденоста на воздухот, почвата, водата, а преку проектот земјоделците имаат полесен пристап до информации за климатските промени за правилно управување со земјоделските култури

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.