Надлежните органи во државата со вонреден инспекциски надзор во казината во Дојран ќе утврдуваат дали и кој издавал лажни ковид тестови на гости од Грција на кои им биле потребни за да се вратат без проблеми во својата држа. Грчки медиуми објавија дека во казина во непосредна близина на граничниот премин Дојран се издавале лажни ПЦР тествови од овластена лабараторија од земјава без да се врши ковид тестирање. Целиот случај бил откриен кога во еден ден на граничниот премин Дојрани при случајно тестирање на 45 патници 9 биле позитивни иако со себе имале потврда за негативен тест од корона вирус
Вонредниот инспекциски надзор го најавија од Државниот здравствен инспекторат но и од МВР до кои засега нема такви пријави, но ќе направат контрола по допрен глас. Од таму велат дека немаат конкретни сознанија во кој објект се издавале негативните лажни ковид тестови за што ќе побараaт информации и од грчките власти.
Градоначалникот на Дојран Анго Ангов за овој случај слушнал од медиумите. И тој ги повика македонските надлежни служби да извршат контрола за да се утврди кој всушност издавал лажни ковид тестови.
,, Па ова информација ниту можам да ја потврдам ниту можам да ја отфрлам бидејки општината нема ингеренции да врши ваква контрола, туку си има надлежни институции кои треба да извршат проверка и доколку е така, навистина треба да се санкционира . Она што го знаеме ние е дека во Дојран има пункт за тестирање кој фунцкионира повеќе месеци и таму сите патници кои влегуваат во Грција преку Дојран се тестираат. Станува збор за лиценцирана фирма која издава официјални потврди,, ни кажа градоначалникот на Дојран Анго Ангов
Грчката телевизија Опен објави видео сторија за казина во Дојран каде гостите кои доаѓаат од Грција за да си ја пробат среќат во Македонија, добиваат бесплатни лажни тестови со кои може безбедно да се вратат во Грција бидејки од пред две неделаи само со негативен ПЦР тест може да се влезе во ова држава. Наводно станува збор за потврди од официјална здравствена установа со имиња на клиентите кои доаѓаат без да биде извршено било какво ковид тестирање
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
