Младите од Струмица преку Центарот ,,Новус“ реализираа волонтерски кампањи во интерес на заедницата

1699

Имајки во предвид дека постои мал интерес за волонтирање, Центар за истражување и анализи НОВУС од Струмица во рамки на проектот „Волонтерство – надеж за иднината“ кој е финансиран од Цивика Мобилитас во износ од 316 500 денари, изминатиов период реализираше повеќе обуки, работилници меѓу младите струмичани кои реализираа три кампањи на волонтерска основа.

Беа опфатени трите општински средни училишта од Струмица каде беа реализирани работилници на тема ,, Од идеја до реализација’’ за креирање волонтерски кампањи кои ги реализираа на терен  во интерес на заедницата. Преку овие работилници и кампањи младите струмични стекнаа нови искуства кои ќе им бидат во прилог при барање работа но и да го потикнат граѓанското учество во решавање на проблемите во општина Струмица

Како што информираа од Центарот ,,Новус“ по одржаните работилници биле формирани  тимови од  млади струмичани од средните училишта ,, Никола Карев“ ,,Димитар Влахов“ и ,,Јане Сандански’’ кои сами реализираа волонтерски активности во рамките на своите кампањи кои ги реализираа во струмица од областа на безбедноста на сообраќајот, дискриминацијата и здравството

Млади од СОУ  Никола Карев ја реализираа  кампањата – „Паркирај совесно“ . Во рамките на ова кампања беа изработени информативни флаери кои беа делени и поставувани на паркирани моторни возила, со цел подигање на свеста кај граѓаните и решавање на проблемот со големиот број неправилно паркирани автомобили што ќе резултира подобар сообраќај на возилата и пешаците.

Средношколскиот тим од училиштето ,,Јане Сандански “ од Струмица започна со кампања „Стоп за дискриминација“ со цел младите подеднаков да имаат можност за остварувањето или заштитата на своите човекови права и слободи. Тие на волонтерска основа со информативни флаери, брошури и активности  ќе се борат против сите видови  дискриминација во училиштата.

Младите пак од  СОУ „Димитар Влахов“  осмислилија и реализираат кампања „Здравјето пред се“. Кампањата ја започна со поставување на пулт за мерење на шеќер и притисок пред градскиот пазар „Глобал“ во Струмица а продолжи со делење на информативен материјал за подигање на свеста за опасноста од Ковид 19 и заштита од истиот.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.