Младата Сара Јанева од струмичко Сушица, првонаградена на ,,Балканската Романсијада” во Софија

2387

Младата Сара Јанева од населеното место Сушица општина Ново Село, инаку студент на музичката академија во Скопје во класата на проф. Весна Ѓинова-Илкова е првонаградена  на Балканската романсијада во Софија- Бугарија. Станува збор за 8 то издание на Меѓународниот фестивал на руската класична и современа романса кој се одржа на 7 и 8 ноември годинава во Мраморната сала на Рускиот културен центар во Софија.

На Фестивалот во престижната Мраморна сала учествуваа солисти од Бугарија, Грција, Кипар, Македонија и Кина. Секој од кандидатите на овој натпревар изведуваа по две руски романси. Веста за наградата ја објави и младата Сара Јанева која на својот ФБ објави благодарност до сите кои учествувале во подготовката за нејзиниот успех во Софија кој и отвора можност да ги истакне своите вокални способности и на други меѓународни натпревари во соло пеење.

,, Голема благодараност до Елена Силјаноска која несебично вложуваше во организацијата и подготовките на натпреварот, на Славица Галиќ-Петровска која првите две години од моето студирање беше ментор и од која научив многу и секако за безрезервната поддршка која ја добивам од професорката Весна Илкова во чија класа го продолжувам моето студирање по соло пеење,, напиша Јанева.

Инаку најдобрите од Фестивалот Балканска романсијада во Софија имаат можност да земат учество на  Меѓународниот Фестивал за романси во Москва во Русија но и на концертот што секоја година се посветува на Меѓународниот ден на руската романса.

Јанева е родена 2000 година а музичкото образование го започнува со пијано. На 14 години почна со изучување на основна вокална техника во штипското музичко училиште Сергеј Михајлов. Во 2018 ги започнува со студирање соло пеење на Факултетот за музичка уметност во Скопје во класата на проф. Славица Галиќ-Петровска, а истите ги продолжува во класата на проф.Весна Ѓиновска-Илкова.

Има учествувано на повеќе државни и меѓународни натпревари во Македонија, Србија, Бугарија, Австрија.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.