МЕПСО инвестираше 770 илјади евра за постабилно напојување од електромрежата во реоните на Валандово Богданци и Гевгелија

476

Со заем од Европската банка за обнова и развој во висина од 770 илјади евра, АД Мепсо изврши замена на опремата стара 40 години на трафостаницата кај Валандово со што се очекува стабилност на електричното напојување на потрошувачите  приклучени на дистрибутивната мрежа во овој дел од државата.

Како што потенцираше директорката на МЕПСО Ева Шуклева со модернизација на ова трафостаница се очекува и сигурност  во снабдувањето со енергија на железничката инфрастурктура на Македонски железници но и стабилен прием на енергија од Ветерниот парк од Боданци  а отвора можност и за дополнителни инвестиции за искористување на ветрот како обновлив извор на енергија

Градоначалникот на Валандово Перо Костадинов очекува со модернизација на ова трафостаница да се привлечат дополнителни инвестции во неговата општина но и да нема испади на енергетскиот систем во Валандово, Богданци и Гевгелија.

Инаку трафостаницата во Валандово за стабилно електрично напојување е изградена  пред 40 години и заради застарената опрема честопати имаше испади во преносот на електрична енергија во електросистемот во овој дел на државата.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.