Макс со сервис му оддржа лекција на УГД Штип , Виктори убедливо го искачи Пелистер во Битола

166

Македонија Макс дојде до третата победа во првенството. На свој терен го надигра УГД од Штип во рамките на претпоследното коло од Првата женска одбојкарска лига. Сервисот им беше најмоќното оружје на домаќинките, на кој, приемот кај гостинките потфрли. Македонија Макс со одличниот сервис освои повеќе од 15 поени што асови што заради лошиот прием на УГД.

Победата ја најави Марија Ричлиева на чиј сервис уште на самиот старт Макс направи огромна разлика. Се надоврза и Кофиловска, Мирчевска за да го добијат со 25:9. Во вториот гостинките го смирија приемот и беше порамноправна играта но мораа да се помират со нов изгубен сет 25:18. Во третиот продолжи добрата игра на домашниот состав при што на добриот сервис се надоврзаа и Нистрова, Стојанова, Зифовска па и младата Манолева за да на крајот Ричлиева со добра серија стави печат 25:21 за конечни 3:0.

Виктори Волеј пак со 3:0 (25:15, 25:10. 25:12) успеа да го искачи Пелистер и тоа во Битола. Со ова победа ,,викторијанки’’ го осигураа учеството во Втората фаза за разигрување за шампионската титула а во тоа им одеше во прилог и денешниот пораз на УГД. Струмица Жени претрпе пораз од Јанта со 3:1 но тие од поодамна го обезбедија пласман во Топ 6 те екипи кои ќе играат напролет за титулата.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.