Македонија Макс без пораз годинава, во втората фаза ,,врза’’ три победи по ред – последната во Штип

511

Одбојкарките на Македонија Макс прокнижаа три победи по ред откако денеска во рамките на петото коло од втората фаза славеа победа од 3:1 во сетови ( 19:25, 17:25, 25:18, 23:25) и тоа нагости кај УГД Штип. Во спортската сала Јордан Мијалков во Штип струмичанки на домакинките им го препуштија само третиот сет додека во останатите покажаа далеку поголема борбеност и подобра игра во која доминираше искусната Марија Ричлиева.

Во претходните пак кола од почетокот на овој месец, Македонија Макс славеше против струмички Виктори Волеј и кичевска Ускана. Со овие три победи Макс значително го подобри пласманот во втората група од прволигашкото одбојкарско друштво. Во конкуренција од осум екипи, струмичанки се на 5 тото место со вкупно 10 бода. Доколку продолжат со исто темпо може да се пробијат и во врвот од ова група на одбојкарски прволигаши.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.