Легендарното Рено 4 со Шуклев и Николов од Стојаково, во Русија се атракција, возат кон Монголија ( фото и видео)

1020
Повеќе од 7000 километри извозија стојачките херои Џоко Шуклев и Ѓорѓи Николов кои веќе неполни две недели ја возат рутата од Стојаково до Пекинг во Кина. Тие на 29 јуни тргнаа од родното Стојаково и преку Србија, Унгарија, Украина стасаа во Русија каде беа во Москва. Тие веќе неколку дена ја возат предвидената траса и во текот на денешниот ден треба да стасат на руско-монголската граница
,, Досега патувањето го поминуваме без проблеми. Русија е огромна ама психофизички сме добри. Оние што не следат на нашата Фан страна од Стојаково до Ница со Рено 4 може да се информираат за нашите секојдневни активности. Имаме поминато повеќе од 7000 километри . Во Монголија треба да извоземе илјада километри и 700 километри во Кина. Напорно ни беше пред некој ден преку Урал каде имаше многу ветар и дожд,, информираше тандемот
Во Пекинг Кина, Шуклев-Николов ќе останат околу 4 до 5 дена и ќе бидат пречекани во македонската амбсада но и наши македонци што работат или живеат во Кина. Планирано е да прават фотосесија  на кинескиот ѕид.
,,Реакциите на луѓето по пат се позитивни, додека сме во движење нѐ снимаат, ни свират, нѐ поздравуваат кога сме паркирани, се сликаат до „реното“, особено во Москва, затоа што овој автомобил никогаш не бил увезен во Русија како модел затоа што бил многу скап,, велат возачите
Враќањето како што тврдат може да се случи околу 10 август. Освен повратната релација низ веќе поминатите држави не се исклучува опцијата  за враќање во Стојаково да се води преку Казахстан, Грузија и Турција

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.