Кој се ќе пее на Струмица Опен Фест од 9-ти до 18-ти август, последната вечер за Горан Бреговиќ со Бијело Дугме

3037

Организаторот на Струмица Опен Фест, здружението ,,Културно забавен живот’’ ја објави музичката програма на годинашново издание на фестивалот која ќе биде во месец август на две локации. Музичката програма ќе стартува на 9 а ќе заврши на 18 август. Во тој период  Струмица ќе пулсира во ритамот на 40 артисти од Македонија и странство на две музички сцени и тоа: мала сцена „Чешмичка“ од 9 до 15 август и голема сцена плоштад „Гоце Делчев“ од 16 до 18 август.

,,Малата музичка сцена кај Чешмичката ќе биде отворена на 9 август, петок со гостување на Игор Џамбазов & Гуру Харе, а локална поддршка ќе биде Јовче Пандев.На 10 август вечер за вистинскиот македонски рок со безвременските хитови на АРЕА. Нивна локална поддршка ќе биде младиот авторски бенд Дактили. Џез вечерта ќе се одржи на 11 август, а ќе настапат Летечки пекинезери и Дактили.
Наредниот ден, Камерниот оркестар на Битола ќе гостува со James Bond симфонија, а локална поддршка ќе им бидат Dismissed/Дисмисд.  На 13 август ќе кулминира летната школа за гитара со уникатна гитарска симфонија на менторите Васко Пиличев и Дамјан Пејчиновски.После подолго време во Струмица, на 14 август ќе се одржи вечер во чест на Тоше Проески. Неговите хитови ќе бидат отпеани од солистите Александра Јанева, Васил Гарванлиев и Марко Логаут.На затворањето на малата сцена кај Чешмичката, на 15 август, градот ќе пулсира во ритамот на турнејата која споделува една љубов преку границите на Северна Македонија и Бугарија’’, истакна градоначалникот на Струмица Коста Јаневски

Општината и годинава ќе додели три милиони денари за ова манифестација која ќе стартува во недела на 9 јуни со полумаратонот по улиците на Струмица. Јуни ќе биде во знакот на спортските настани, додека јули ќе има повеќе културни случувања од литературни читања, проекции на филмови, ликовни работилници, вечери на афоризми, потеницраше Томе Печков од здружението КЗЖ кои се организатори на Струмица Опен Фест

,,Кулминацијата на манифестацијата се очекува да се достигне за време на музичките концерт на големата музичка сцена на плоштадот „Гоце Делчев“. Во петок на 16 август, фестивалскиот викенд ќе започне со настапите на Brass Brothers, Перо Христов со неговиот јубилеј – 50 години кариера, Јупитер и гости од Никад није касно и Жељко Самарџиќ. Во сабота на 17 август свои концерти ќе одржат Дарио, Бени и НОН СТОП и хрватската и балканска ѕвезда Северина. Спектакуларниот фестивал ќе заврши со 2Бона, Мирза Селимовиќ и Горан Бреговиќ со Бијело Дугме’’, соопшти градоначалникот Јаневски .

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.