Кој заминува а кој останува во Академија Пандев кој летово ќе дебитира на европската сцена

895

По завршувањето на првенствената сезона, од завчера фудбалерите на ,,Академија Пандев’’ се на одмор кој нема да трае долго. На 8 јуни се планира да стартуваат со подготовките  со оглед дека во месецов ќе го дознаат противникот за квалификациите од Лигата на Европа а веќе идниот ќе треба да се соочат на терен. Како што е познато ,,пандевци’’ бидејки ќе дебитираат на евросцената се најдоа во групата на неносители па може да добијат и некое звучно име за противник во првото коло.

,,На 21 јуни заминуваме на подготовки во Турција во Болум туристичко место каде доаѓаат голем број спортски клубови иако долго размислувавме дали тоа да биде  Австрија, Словенија или Турција. Што се однесува до играчкиот кадар имаме четири играчи на кои им истекоа договорите. Тоа се Ване Шиков, Аце Стојков, Душан Чубраковиќ и Филип Трајановски. Со овие четири играчи разговараме и размилусваме оти дел ќе бидат вклучени во тимот, дел ќе им се заблагодариме а дел сакаат да се повлечат од фудбалот. Кога ќе ги завршиме овие четири играчи на план сме да ги повлечеме Велиновски и Скендери наши деца кои играа во второлигашите Кожув и Брегалница Штип. Планираме едно до две засилувања но сакаме да дадеме шанса на наши деца играчи од младинските погони на Академија Пандев,, изјави Југослав Транчовски за Канал ВИС

Академија Пандев во последната првенствена сезона ја освоија КУП титулата а шампионатот го завршија како трети на прволигашката табела со што се стекнаа за првпат да играт во едно европско натпреварување. Тие се третиот тим од струмичко кој излегува на Евросцената по Беласица и Хоризонт Турново.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.