Костадинов, градоначалничката функција денеска ќе ја извршува со матурантка од Струмица

120

Градоначалникот Костадин Костадинов денеска ја отстапи својата фотелја на 18-годишната Ана Марија Јованова и со тоа го започна проектот „Градоначалник на еден ден“. Јованова денеска е градоначалник на Струмица, а проектот се реализира заедно со Европската куќа во Струмица, чија цел е младите да бидат активно вклучени во локалните политики.

– Првото добро утро и добредојде во мојот кабинет ѝ го посакав на Ана Марија Јованова, 18-годишна млада девојка која штотуку го заврши средното образование во СОУ „Димитар Влахов“. Со неа денеска заедно ќе ги реализираме сите мои планирани активности во кабинетот и надвор од него, но, ќе ги слушам и сите нејзини предлози и забелешки, објави градоначалникот Костадинов.

Додаде дека вака ќе биде секој прв понеделник во месецот, а „градоначалниците“ од редовите на младите ќе се менуваат, но, целта секогаш останува иста, „создавање подобра Струмица за сите“.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.