Комисијата за заразни болести на последниот состанок предложи полицискиот час за време на првомајскиот викенд да биде од 19 часот в четврток до 5 часот в понеделник. Колку време ќе биде забраната за движење престојниот викенд треба да одлучи Владата на утрешната седница
„Не утрешната седница на Владата ќе се разгледува предлогот на Комисијата за заразни болести и ќе биде донесена одлука. Сакам да кажам дека сите мерки за рестрикции во движењето се носат врз основа на медицинска оправданост од стручни лица. Ја видов реакцијата на министерот Наќе Чулев и сметам дека не треба да имаме лични мислење за тоа колку треба да трае полицискиот час, туку да го оставиме тоа да го кажат стручните лица“, рече Филипче.
Наспроти ова, министерот за внатрешни работи Наќе Чулев на својот фејсбук-профил напиша дека овој викенд нема потреба од продолжен полициски час, како што беше за велигденските празници. Тој предлогот го доставил до Координативниот кризен штаб во Владата. Предлогот на Чулев е полицискиот час да почнува исто како изминатиов викенд, кога забраната за движење започна во сабота од 15 часот, а траеше до 5 часот наутро во понеделник.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
