Колку и да сме различни сите сме еднакви пред Уставот и законите, кажа Јаневски на средбата за развој на концептот ,,Едно општество за сите”

407

,,Колку и да сме различни, ние сме сите луѓе, ние сме сите еднакви чинители на заедницата во која живееме и во општеството кое го сочинуваме. Колку и да се разликуваме по нашите припадности и убедувања, сите сме еднакви пред Уставот и законите во нашава земја. Колку побргу ќе ја разбереме неопходноста од еднаквост, толку побргу ќе ги согледаме позитивните ветришта ,, кажа градоначалникот  Коста Јаневски на денешната средба во Струмица за  „Националната стратегијата за развој на концептот за едно општество и интеркултурализмот во Република Северна Македонија“.

На средбата беше приустени и министерот без ресор задолжен за дијаспора Адеми кој истакна дека врз основа на оваа стратегија ќе бидат иницирани активности за зајакнување на процесите на комуникација и соработка меѓу заедниците во кои секој граѓанин, без исклучок, ќе се чувствува како еднаков, рамноправен припадник на општество, кое треба да биде фер и правично за сите.

На четвртата дискусија за националната стратегија, Ленче Христова од Организацијата на жени од Струмица изрази задоволство што ова е прв документ кој има за цел да ги зајакне и да ги истакне долгогодишните заложби на граѓанските активисти, односно нивните каузи за еднаквост и еднакви можности на сите граѓани.

Нацрт текстот на стратегијата беше презентирана од страна на Олимпија Христова-Заевска, координатор на кластерот локална самоуправа и советник за меѓународна економија и развој во Канцеларијата на претседателот на Владата на Република Северна Македонија, како и јавна дискусија со присутните сограѓани.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.