Карневалистите од Струмица и Радовиш највпечатливи на карневалот во Корча Албанија

922

На покана од Центарот за уметност и култура-театар “Андон Зако Чајупи” од Корча, Албанија, 20 струмички карневалисти од групите на ООУ ” Св.Кирил и Методиј” с.Дабиле, и балетското студио “Газели” од Радовиш зедоа учество на меѓународниот карневалски фестивал кој се одржа на во Корча.

Организаторот на фестивалот, високо ценејќи ги достигнувањата и искуствата на карневалистите на Струмичкиот карневал го искористија учеството на групите да споделат дел од стекнатите искуства . Од струмичкиот карневал велат дека се задоволни од настапот и презентацијата.

Од таму наведуваат дека со ова гостување ќе се бележи уште едно успешно претставување на вредностите и традициите на Струмичкиот карневал во странство, како прво такво патување во услови на Ковид пандемија. Додаваат дека и во такви услови, преку доследно почитување на пропишаните мерки и протоколи, струмичките карневалисти го искажале својот ентузијазам и желба за чување и негување на карневалската традиција во Струмица.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.