За идната недела најавен нов оглас за распределба на социјалните станови во Струмица

380

Нова најава дека ќе биде распишан оглас за распределба на социјалните станови во Струмица кои три години стојат празни. Иако министерот за транспорт и врски Благој Бочварски при крајот на февруари кажа дека е формирана комисија и за десетина дена ќе биде распишан Огласот, тој според псоледните информации ќе се реализира идната недела. Од Министерството соопштија дека пролонгирањето е резултат на ковид ситуацијата и дека комисијата била некомплетна.

,,Двајца членови од комисијата беа позитивни и во изолација. Огласот за распределба на социјалните станови во Струмица на улицата Ѓорги Василев ќе биде распишан следната недела,, одговорија од министерството за транспорт и врски.

Станува збор за 37 станови кои треба да бидат доделчени на лица со социјален ризик конкретно на корисници на социјална помош,  деца без родители, самохрани мајки, лицата погодени од елементарни непогоди но и лица од други ранлвии катеогрии.

За социјалните станови како што соопштија од Министерството,право на апликации ќе имат граѓани исклучиво жители на општина Струмица но не и лица од социјален ризик од руралните општини кои гравитираат и се под ингеренции на струмичкиот Центарот за социјални работи.

Социјалната зграда во Струмица беше изградена во 2018 година. Таму живеат само лица со посебни потреби кои со процесот на деинституционализација, од Заводот за рахабилитација Бања Банско се вселија во четири стана кои беа доделени на Министерството за труд и социјална политика

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.