Зачестени контроли од страна на шумочуварите и шумската полиција за да се спречи дрвокрадството но и неконтролираната сеча на дрва од планината Беласица. Ова е заклучокот на локалниот совет за превенција на општина Ново Село каде на заеднички состанок седнаа преставници на институциите но и жителите од подбеласичките села. Сите беа едногласни дека треба да се поведе сметка со шумскиот фонд со оглед се поизразената сеча ги загрозува безбедноста на населените места од можни свлечишта а се загрозуваат и изворите со питка вода од каде се снабдуваат со вода подбеласичките села.
,, Се согласивме да има зачестени контроли од страна на шумската полиција но и шумочуварите од Македонски шуми. Да се формираат месни тимови кои ќе реагираат доколку забележат сомнителна сеча. Релно граѓаните се загрижени по се она што го гледат над нивните села и појавата на свлечишта. Се договоривме и на заеднички марш за да ја видиме на терен состојбата. Како општина и јавноста ќе инсистираме да ги имаме на увид годишните планови за сеча бидејки на тој начин ќе може да бидеме како коректор на се она што се случува на Беласица,, кажа градоначалникот Жорге Божинов по завршувањето на состанокот
Присутните граѓани реагираа на зачестените сечи независно дали се согласно годишните програми. Тврдат дека по шумските патишта се повеќе дрвокрадци а отсуствува интервенцијата на надлежните институции кои се помалку ги има на терен
,,Бараме зачестени контроли на шумската полиција. Со примери им предочивме на преставниците на институциите дека секојдневно има сеча. Мора да се стави ред да има рампи на шумските патишта, да контролираат шумочуварите. Загрижени сме оти над нашите села се наоѓаат извори. Паралелно со неконтролираната сеча се отвора можност за свлечишта. Такви имаше во декември лани,,кажа Давид Златанов од Колешино кој веќе за утре најави нови протести во Колешино за да се заштити Беласица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
