Застој во издавањето документи од матичното во Струмица, идната недела сите предмети ќе биле завршени

610

Струмичани реагираат што со недели доцни издавањето на било какви документи од подрачното одделение на Управата за водење матични книги во Струмица. Тврдат дека заради недобивање на изводи, потврди,  плаќаат пенали кај други институции или пак не можат да остварат одредени права. Поради тоа, тие бараат да се најде начин и да се забрза постапката за издавање документи посебно на изводи за новороденчиња.

Дека има застој во издавањето на документите во Струмица потврдија од Управата за водење матични книги. Од таму велат дека проблем било што најголемиот број вработени биле заразени од ковид-19 и не биле на работа во изминатиот период.

,,Во изминатиот месец од вкупно девет вработени , работеа само две лица. Останатите или беа болни од ковид-19 или имаа решенија за изолација. Затоа тешко одеше опслужувањето странки. Сега во одделението во Струмица има седум лица кои работат и за една недела ќе се завршат сите натрупани предмети ,, информираа од Управата за водење матични книги.

Од Управата спомнаа дека за застојот заа издавања на изводи на новороденчиња, пречка било и бавното издавање на матични броеви од службите во МВР во Струмица од каде пак соопштија дека за сите барања за ден или два се определуваат матични броеви.

Од Управата апелираа разбирање од страна на сите странки и напоменаа дека идната недела ќе ги забрзаат барањата за изводи кои стигнале досега и граѓаните идната недела ќе ги добијат документите.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.