Поради високото ниво на езерото но и трошоците од 320 илјади евра месечно за струја, исклучени пумпите од ХС Ѓавато

1302

Заради високото ниво на водата во Дојранското езеро но и поради енормните трошоци за одржување и за електрична енергија, исклучени се пумпите на хидросистемот Ѓавато чија вода се влеваше во езерото. Вода низ 22 километарскиот ситем не тече повеќе од три месеци . Првиот човек на Дојран вели дека во моментов нема потреба од полнење на езерото но системот треба да биде фунцкионален.

,, Во моментов нема потреба од дополнителни количини вода во езерото, бидејки нивото е над дозволената кота и надојдените води ни прават проблеми. Но хидросистемот треба да функционира и да се активира во случај кога нивото ќе падне,, рече градоначалникот Ангов.

Од Министерството за животна средина кои се одговорни за хидросистемот Ѓавато, соопштуваат дека нема простор за паника. Пумпите биле исклучени заради големиот водостој на езерото но и енормните трошоци за електрична енергија, кои месечно достигнувале и над 320 илјади евра.

,, Нема место за вознемиреност на жителите. Во случај на евентуално намалување на нивото на Езерото што би било можност за нарушување на екосистемот и покрај големите трошоци за електрична енергија, Владата ќе ја разгледа можноста за повторно вклучување на иститот,, велат од Министерството за животна средина

Според денешните мерења, нивото на Дојранското езеро е за 70 сантиметри над дозволената кота, соопшти Златко Талески задолжен од УХМР за контуинирано следење на нивото на водата на езерото.

Со оглед дека на хидросистемот Ѓавато е изградена и хидроелектраната Топлец од фирмата Езотерна, која пак има концесија со државата за производство на електрична енергија, Минитерството за животна средина смета дека пооправдано е да се раскине договорот отколку системот да продолжи со работа на начин на кој сега фунцкионира.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.