Жителите на Добрашинци и Нова Маала добиваат квалитетен и безбеден пат, вели Славе Андонов

671

Утре треба да финишира асфалтирање на локалниот патен правец Добрашинци – Нова Маала  во должина  од  1016 метри и ширина од околу 5 метри. Асфалтирањето почна во петокот а утре треба да се заокружат сите градежни работи. Ова е последната,  завршна фаза,  од целосната реконструкција за која  средствата во висина од 10 732 328 денари, општината ги обезбеди од Министерството за локална самоуправа.

„Со реализацијата на овој проект, жителите од двете населени места Добрашинци и Нова Маала, како и сите останати кои го користат, на долг временски период добиваат квалитетен пат, кој обезбедува безбедно и сигурно одвивање на сообраќајот, а општина Василево уште еден успешно реализиран проект кој придонесува за подобрување на локалната патна инфраструктура,, изјави градоначалникот на општина Василево Славе Андонов .

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.