Екс прaтеникот Ѓоко Камчев од Валандово е избран за директор на Центарот за развој на Југоистокот

1480

Ѓоко Камчев е избран за нов директор на Центарот за развој на Југоисточниот плански регион во кој партиципираат десетте општини од Југоистокот.  Вака одлучија присутните градоначалници на вчерашната седница во Гевгелија,  откако во јули годинава од ова функција ја разрешија Жулиета Ѓуркова.  Камчев беше единствениот кандидат на распишаниот конкурс кој заврши до 26 септември. Неговото име се споменуваше уште при разрешувањето на Ѓуркова која со Центарот раководеше 14 години а беше деклариран како еден од најуспешните во работењето и привлекувањето на средства од меѓународните фондови.

Ѓоко Камчев е дипломиран политиколог. Тој беше пратеник од редовите на ВМРО ДПМНЕ во периодот од 2014 тата до 2016 тата кога беше член на собраниските комисии за надворешна политика и локална самоуправа, а заменик член на комисиите за земјоделство и политички систем. Бил член на собраниската пратеничката група за соработка со парламентот на Ирска, Шведска и Црна Гора. Камчев пратеник стана и во јуни 2019 тата кога по одземањето на пратеничкиот мандат на екс премиерот Никола Груевски  тој како следен на листата на ВМРО ДПМНЕ во јуни повторно седна во собраниските клупи. Своевремено ја извршуваше и функцијата претсeдател на Советот на Oпштина Валандово.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.