Еколошка пролет во Босилово – Општината доделува 1200 овошни садници за пластичен отпад (ФОТО)

328

Околу 1200 садници на јаболки, цреши, праски, сливи, Општина Босилово ќе додели на граѓаните од сите населени места кои во наредниот период ќе соберат ПЕТ пластика која се рециклира и додели на комуналните служби. Ова активност е дел од акцијата ,,Еколошка пролет во Босилово’’ која ќе трае во наредните два месеци а планирани се повеќе активности. Собирањето пластичен отпад во замена на овошни дрвца започна денеска и голем број граѓани од општинскиот центар ја собраа ПЕТ пластиката и ја доставија на наведениот пункт при што се собраа неколку траткри со пластичен отпад

„Акцијата ќе се одвива од порта на порта. Ќе го посетиме секој дом и на секој граѓанин ќе му биде понудена можност за замена на пластични садови (ПЕТ пластика) со овошни садници. Целта е да ја намалиме количината на пластичен отпад во општината, но во исто време да испратиме порака до граѓаните дека пластиката има употребна вредност.  Пластиката треба да се селектира и да се депонира односно транспортира на соодветно место“кажа градоначалникот Ристо Манчев

Собраните шишиња од сите населени места во општина Босилово ќе бидат  предадени на организациите кои вршат откуп на пластика, а како замена ќе добијат садови за селектирање на пластичен отпад кои потоа ќе се постават на јавните површини низ општината.

Во рамките на акцијата ,,Еколошка пролет во Босилово’’е планирано пролетно пошумување на падините на планината Огражден со 1000 садници црн бор , се планира акција за собирање на електричен и електронски отпад по населените места а ќе се врши дистрибуција на канти за отпад и вклучување на неколку населени места во системот на организирано собирање на сметот. Планирано е и набавка на контејнери за одделни фракции на отпад (стакло, ПЕТ  пластика и отпадни батерии)

Акција предивидува и рекултивизација на “дивите“ депонии и хортикултурно уредување на јавните површини. Вакви кампањи ќе се организираат секоја година,   со цел почиста и поздрава животна средина.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.