Дури 10 струмички одбојкари повикани во репрезентацијата за Златната лига и Европското во Скопје

1554

Македонската одбојкарска репрезентација ги почна подготовките за настапот во Европската  Златна лига чии натпревари се закажани при крајот на месецов но и за Европското првенство каде Македонија е домаќин. На списокот на новиот селектор Јошко Миленковски повикани се 20 одбојкари кои до 12 ти мај ќе бидат во Маврово а потоа и во Скопје пред првиот меч со Украина закажан против Украина на 27 мај

,,Почнувам со 20 играчи на првиот микро циклус во Маврово веќе утре. Ќе бидеме таму седум дена. Во целиот период на подготовка во три микро циклуси ќе одработиме триесетина тренинзи кои мислам дека ќе бидат доволни. Настапот на Златната лига ќе ни биде како генерална подготовка за главниот настан, европското првенство во Скопје во август и септември,, рече новиот селектор Јошко Миленковски кој по 15 години повторно се враќа на кормилото на репрезентацијата

На поширокиот список на Миленковски се најдоа дури 10 одбојкари од Струмица и тоа браќата  Ѓорѓи и Никола Ѓорѓиеви , Ефтим Ричлиев, Владо Милев, Славе Наков, Александар Љафтов,  Филип Маџунков, Стојан Илиев, Васе Михаилов и  Костадин Ричлиев. Миленковски за настапот на македонската репрезентација може да смета и на Дарко Ангеловски, Стојче Арсов, Филип Лепидовски, Давид Стојанов, Филип Деспотовски, Стефан Алексов, Ангел Бошков, Иван Андонов и Филип Савовски.

Освен со Украина, Македонија во групата Б од Европската златна лига ќе игра и со Белгија и Хрватска. Во групата А се селекциите на Турција, Португалија, Романија и Данска а во групата Ц се репрезентациите на  Финска, Чешка, Словачка и Естонија.Првопласираните селекции од трите групи ќе обезбедат место на завршниот турнир кој ќе се одржи во Хрватска на 24 и 25 јуни.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.