Дуото Дац и Митевски приредија вистинско евергрин освежување на Струмица опен фест (фото)

218

Синоќа на Струмица ОПЕН фестивал се одржа одличен двочасовен концерт на дуото Драган Спасов – Дац и Александар Митевски. Музичарите приредија вистинска евергрин вечер за сите генерации. Во публиката присуствуваа околу 200 посетители, поради ограничениот простор во градскиот парк.

Изненадување за публиката беше гостувањето на 5 членови од студиото за модерен балет „Газели“ кои придонесоа за кулминација на одличната атмосфера во градскиот парк.

Публиката во еден глас ги пееше нивните познати теми „Уште ми фалиш“, „Корона чао“, „Слика“, „Цреши охридски“ и други хитови од поранешните југословенски простори.

Фестивалската програма продолжува вечерва со танцовата претстава Human во Летниот Амфитетар.

За крај на фестивалот, организаторот ги најави и концертите на Владимир Четкар, Македонски Грув (Јовче Пандев и Ивана Василева), Влатко Стефановски и Дани Димитровска.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.