Државната мерна станица повеќе од месец не ги отчитува штетните ПМ честички во воздухот во Струмица

276

Речиси еден месец мерната станица на Министерството за животна средина во Струмица не ги отчитува штетните ПМ 10 честички, односно нивната концетрација во воздухот по часови или денови. Станицата која лоцирана во кругот на струмичката болница поточно на Здравствен дом, ги дава сите други резултати, но доколку се побара како се движи концетрацијата на ПМ 2.5 и ПМ 10 честички по часови или денови во последниот месец, нема никакви податоци, иако станува збор ДРЖАВНА СТАНИЦА чии резултати за сите наделжени институции се како релевантни.

Од министерството за животна средина не одговорија зошто станицата во Струмица не ги отчитува ПМ 2,5 и ПМ 10 честичките во воздухот и ако станува збор за некаков дефект во кој временски рок ќе биде отстранет за да може се гледат часовните концетрации на овие штетни честички. Освен во Струмица, резултати за ПМ 2.5 и ПМ 10  честички не даваат и други станици кои се во мрежата на Министерството за животна средина по градови.

Концетрација на ПМ 10 честички во Струмица не отчитува ниту мерната станица на Лабораторијата за животна и работна средина АМБИКОН на Универзитет „Гоце Делчев“ – Штип. Мерната станица е поставена во центарот на Струмица, но ниту таму сеуште нема резултати на дневна основа колкави се концетрациите на ПМ 10 честичките  во амбиенталниот воздух над Струмица. Ова лабараторија освен во Струмица мерни станици има и во Штип, Кавадарци, Прилеп

(станици преку платформата pulse.eco кои ја мерат аерозагаденоста во Струмица)

Единствено шетните ПМ 10 честички во моментов во Струмица ги отчитуваат четирите станици на интернет платформата PULSE.ECO и тоа на Ленинова, Вера Циривири, Методи Митевски и  Мара Минанова. Последните три станици се поврзани и со апликацијата МОЈ ВОЗДУХ каде треба да се видат и резултати од државната станица од кругот на Здравствениот дом кои ги нема.

(локации на станиците кои се поврзани со апликацијата Мој воздух)

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.