ДЗС: Лани помалку производство на домати и краставици во однос на 2022 – зголемување има кај пиперките

179

Државниот завод за статисика објави дека минатата година значително е намалено производството на домати и краставици по што е препознатлив  Струмица и регионот но и Југоистокот. Според статистичарите во 2022 година произведени се 151 187 тони домати додека лани 116 383 тони. Ова значи дека за 23 одсто е намалено производството.

Намалување на производството има и кај крастивиците и тоа дури за 35 одсто. Во 2022 Државниот завод за статистика регистрирал произвoдство од 48 190 тони додека во 2023 година 31 657 тони краставици. За разлика од доматите и краставиците ДЗС регистрира зголемување на производството на пиперки. Лани  е регистрирано производство од 247 104 тони  пиперки што е за 10 илјади тони повеќе или за 4,1 %.

Освен во овие култури значително намалување на производството кај овошјето е забележано кај јаболката за 51,2 отсто, крушите за 41,2, сливите за 46,1 и праските за 50 проценти. Кај останатите култури поголемо намалување е забележано кај сончогледот за 39,5 отсто,

Инаку во 2023 година се регистрирани 514 375 хектари обработлива површина, објави Државниот завод за статистика при што констатираше дека е забележано намалување на површините кај овоштарниците за 2,5 отсто и лозјата за 4,6 проценти во однос на 2022 година.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.