Синоќа се одржа извлекувањето на 15 те награди од по 100.000 денари од наградната игра МојДДВ #МојаНаграда во која учествуваа сите скенирани фискални сметки во април, мај и јуни. Станува збор за петото коло од наградната игра што ја реализира Министерството за финансии откако Владата донесе одлука за поврат на 15 отсто од ДДВ на граѓаните. Меѓу 15 те добитници на 100 илјади денари се и двајца струмичани. Среќата им се насмевна на Наце Запров и Наталија Грчева кои скенирале сметки во второто тромесечје од ова година.
Освен од Струмица во рамките на петото коло награди од 100 илјади има и во Скопје, Битола, Прилеп, Гостивар, Охрид, Крива Паланка, Струга и Тетово. Инаку до крајот на годината, односно од август до декември, месечните награди ќе изнесуваат 20.000 денари и секој месец ќе се доделуваат по 15 награди.
Инаку граѓаните, преку МојДДВ #МојаНаграда, од први јули, скенираат сметки за три пати повеќе дневни награди од порано, односно до крај на годинава секој ден ќе се доделуваат 30 награди од по 1.000 денари. Извлекувањето на втората премија, ќе се одржи во декември, а истата ќе изнесува 1.000.000 денари, наместо 3.000.000 денари, како што беше првично планирано.
Еве ги сите добитници на 100 илјади од наградната игра на министерството за финансии:
1. Валентина Ѓуроска – Скопје
2. Наце Запров – Струмица
3. Јуле Тасевска Марков – Скопје
4. Наталија Грчева – Струмица
5. Сузана Антовска – Скопје
6. Слаѓана Јовчевска – Гостивар
7. Виолета Георгиева – Скопје
8. Славица Димоска – Охрид
9. Сузана Димитрова – Скопје
10. Ивица Јаначков -Скопје
11. Наталија Велиновска- Крива Паланка
12 Влатко Масалковски – Битола
13. Мухамет Мамуди – Струга
14. Јасмина Каранфиловска – Битола
15. Ванчо Ѓорѓевски – Тетово
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
