Двајца алпинисти од Радовиш починале чистејки високи силоси на рудникот Бучим

772

Двајца радовишани, членови на Алпинистичкиот клуб ,,Плоча’’ починале чистејки високо недостапни силоси на рудникот Бучим. Веста ја потврдија и од компанијата и од МВР од каде не излегоа со конкретна инфорамција како настанал несреќниот случај во кој загинаа двајца алпинисти.  Инцидентот како што соопштија од Бучим се случил во 11 часот и 43 минути 

,, Починатите лица се подизведувачи од Алпинистичкиот клуб ,,Плоча’’ од Радовиш, ангажирани за извршување на работни задачи – чистење на високо недостапни силоси. На лице место на несреќата, медицинскиот персонал на Бучим веднаш ги презеде сите неопходни мерки за укажување на прва помош и лицата се упатени кон ЈЗУ Здравствен Дом – Радовиш и ЈЗУ Клиничка болница –  Штип, каде што е констатирана смрт,, соопштија од рудникот Бучим од каде информираа дека се повикани сите надлежни екипи согласно законот а формирана е и комисија која врши проценка за причината за настанатиот несреќен случај.

Како се случила несреќата и кои се причините за смртта на двајцата радовишани треба да одговори истрагата за кој надлежни екипи ја отпочнаа истрагата, Првичните информации се дека двајцата радовишани починале од задушување иако сеуште нема официјална потврда за тоа.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.