Групацијата ,,Novomatic’’ секој месец бара ,,Ново име’’ млад талент за кој ќе гласа јавноста и ќе го поддржи до 2500 евра

1385

Групацијата  ,,Novomatic’’ во која членуваат компаниите Адмирал, Астра и Казино Фламинго Хотел оваа 2020 та година го отпочнаа проектот ,,Ново име’’ преку кој младите таленти од Македонија може да добијат парична поддршка до 2500 евра. Станува збор за платформа каде заинтересираните кандидати кои имаат талент или имаат одредена амбиција се пријавуваат на платформата а јавноста преку интерент гласа за нив. На тој начин не само што се во игра за добивање финансиска поддршка туку добиваат шанса јавноста да слушне за ниивните вештини и знаења.

,,Јасно е дека околу нас има многу млади таленти кои немаат можност а заслужуваат поддршка да го остварат својот сон. Затоа компанијата NOVOMATIC, како друштвено одговорна, која на тие принципи успешно дејствува веќе четири децении, одлучни се да бидат помеѓу оние,  кои ќе пружат таква можност на младите таленти. На пример, имаат некој ракопис или збирка на песни, а немаат можност да ја објават. Потоа некој кој е врвен млад талент во некој спорт или во сликарството, класичната музика, танцот, филмска режија и сака да ги унапреди своите вештини, дополнително да се едуцира, да набави опрема или да оди на некое натпреварување преку Ново име, нудиме можност да го оствари тој сон. Исто важи и за младите научници. Значи пружаме поддршка на млади таленти од областа на науката, уметноста, културата и спортот’’ информираа за Дрнка.МК од групацијата ,,Novomatic’’

Проектот стартуваше од Нова година и веќе двајца млади таленти станаа месечни победници кои ги поддржа ова групација до 2 500 евра. Станува збор за младата уметничка Сандра Туфеска која сака да слика и пејачот Влатко Иљачев од Богданци кој пее и сака да компонира. Од Novomatic велат дека може да се пријават сите млади од Македонија на возраст од 16 до 30 години кои сметат дека имат талент вреден за внимание и поддршка

Пријавувањето е на  самата платформа novoime.mk, каде, во различни секции,  е објаснет целиот процес. Младите доставуваат своја пријава каде во неколку реченици се преставуваат со својот талент и приложуваат фотографија и краток видео запис. Се пријавуваат до 15 ти секој месец а веќе од 16 ти почнува гласањето по принцип  „еден човек – еден глас“ . За гласањето потребна е регистрација на платформата со  Facebook профилот и се клика срцето на кандидатот за кој му се дава поддршка.

,,Верувајте во себе и во своите таленти. Само така може да се освојат посакуваните височини. Нашиот проект „Ново Име“, може дополнително да Ви помогне. Само чекорете храбор и покажете му го на светото што умеете и изборете се за своето парча онлајн простор’’ порачаа од групацијата ,,Novomatic’’ кон младите таленти во земјава.

Инаку изминатиот месец  ,,Ново име’’ на платформата на групацијата Novomatic стана Влатко Иљачев од Богданци кој за Дрнка.Мк истакна дека наградата од 2500 евра ќе ја искористи да го реализира својот прв музички албум.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.