Гевгеличанец се здобил со тешки повреди откако вчера на регионалниот патен правец Градско – Неготино излетал од патот и удрил во земјен канал. Незгодата како што информираа од МВР се случила вчера попладне околу 15 часот а полициските екипи треба да ги утврдат причините како излетало ауди возилото со кое управувал 49 годишниот жител од Гевгелија кој заради повредите е пренесен во велешката болница
,,На 21.05.2020 околу 15.00 часот на регионалниот пат Градско – Неготино, патничко возило „ауди“ со гевгелиски регистарски ознаки, управувано од И.Ѓ.(49) од Гевгелија, излетало од патот. Притоа, возачот се здобил со тешки телесни повреди и бил пренесен во болницата во Велес за укажување лекарска помош. Увид извршила екипа од СВР Велес.,, информираше МВР
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
