Гевгелиски Changemakers4all за вториот роденден усреќи две дечиња со самохран родител, апелираат за позитивни промени

791

Граѓанското здружение Changemakers4all од Гевгелија деновиве одблежа двегодишнина од своето формирање а роденденот го посветија на две мали дечиња на самохран родител на кои им подарија велосипеди. Станува збор семејство во тешка финансиска состојба а здружениетосе одлучило средствата што ги донирал хуман гевгеличанец  за време на делењето заштитни маски  да ги искористат за да враќање на насмевките и радоста на две мали дечиња кои неизмерно се радуваа на донацијата

,,Одлучивме да усреќиме две мали деца со самохран родител, во тешка финансиска состојба.Со парите од донацијата, купивме два велосипеда. Изненадување, среќа, солзи неопишиви чувства. Тоа треба само да се доживее ! Донаторот ни направи прекрасен роденден, а детската радост уште повеќе. Поубав роденден неможевме да имаме !’’ објавија од здружението кое изминативе две години реализираше низа АКЦИИ КОИ МОЖЕ ДА СЕ ВИДАТ ТУКА

Марина Томова која живееше извесен период во Холандија е иницијатор за зружението кое со 8 други лица го формираа, со цел да направат промени во Гевгелија и да докажат дека се зависи од самите граѓани. Засрамени од расфрлениот отпад и ѓубре фокусот го дале на заштита на животната средина со акцент дека секој е одговорен за чистотата.

,,Прв фокус ни беше подигање на еколошката свест како и поврзување на луѓето. Постојано ни се приклучуваа граѓани а по петата еко акција и Комуналец со што докажавме дека ако сме сплотени за доброто на заедницата институциите неможе да не игнорираат. Правевме и герила акции. Се сеќавам кога успеавме вработените од железничката станица да се грижат за чистота. Го чистевме и Вардарски рид. Силно се спротиставивме на отварање на фабрика за отпад, рудници,, ни изјави Марина Томова од здружението која рече дека немала да успее ако не биле нејзините најблиски соработници  Димитар Мијов, Гоце Тасевски, Венци Ристов, Димитар Новаков како членови на извршниот одбор и Коста Карев, Александра Југовски, Игор Јанчев и Ристо Томов како членови и многу други кои пристапија на здружението

Ова здружение го дигна гласот и за изградба на здравствени капацитети надвор од Скопје, за болните од рак, реализираа кампањи за пациентите со пулмонална хипертензија. Успееа да обезбедаат донации за гевгелиската болница, за дневниот центар за лица со посебни потреби, за ученици во основните училишта. Учествуваа во чистењето на опожарената зграда. Користејки го своето лоби, ова здружение контуинирано работи и на промоција на туристичките потенцијали на гевгелиско дојранскиот регион

,,Многу сум среќна што има позитивни луѓе кои веруваат во промени. Сакаме да иницираме позитивна промена во општеството, еднакви можности за луѓето и да придонесеме за економскиот регионален развој преку неколку сектори. Поддршка на мали претпријатија, фармери и помалку привилегираните во општеството. Да создадеме општество што ја заштитува животната средина, кое одржува норми и стандарди кои ги почитуваат човековите права и обезбедува алтернативна свесност заснована на хуманост,, ни изјави Марина која апелираше ,,Биди позитивна промена што му е потребна на светот’’

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.