Гевгелиските таксисти бараат зголемување на цените на такси превозот во општината

1245

Гевгелиските  таксисти бараат зголемување на цените на услугите за автотакси превоз откако последниов период значително се зголемија цените на горивата. Нивното барање ќе се најде пред советниците на следната седница. Како што објави ТВ Нова 12, таксистите предлагаат цената за старт од сегашните 50 да се зголеми на 80 денари и за секој нареден километар наместо досегашните 23 да се наплаќа по 33 денари, а за чекање наместо 4 цената да се зголеми на 6 денари од минута.

Исто така, такси превозниците бараат воведување на ноќна тарифа во времето од 22,00 до 06,00 часот со стартна цена од 90 денари и 35 денари за секој изминат километар, како и празнична тарифа со стартна цена од 100 денари и 40 денари за секој нареден изминат километар.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.