Во Струмица 5 нови лица заболени од ковид-19 и еден оздравен, во земјава 145 новозаразени

595

Пет нови лица од Струмица се заболени од коронавирус соопшти министерството за здравство од каде информираат дека во последните 24 часа  направени се 1772 тестирања, а регистрирани се 145 нови случаи на ковид-19. Како што соопштија од Центарот за јавно здравје од Струмица сите се нови случаи без било какви контакти со досегашните кластери. Сите нови 5 случаи се од Струмциа од кои двајца се сопружници .

Освен во Струмица нови случаи се во Скопје 32, Куманово 15, Дебар 5, Штип 8, Прилеп 8, Тетово 9, Струга 4, Велес 2, Битола 4, Охрид 4, Кавадарци 2, Гостивар 12, Гевгелија 1, Крива Паланка 2, Кочани 3, Пробиштип 2, Пехчево 5, Берово 1, Виница 2, Делчево 8, Свети Николе 4, Кичево 6 и Неготино 1

Во болнички услови починати се двајца пациенти од Дебар (67г) и Струга (48г).

Денеска Институтот за јавно здравје регистрира 216 оздравени пациент во кои има и по еден пациент од Струмица и Гевгелија

Вкупната бројка на ковид дијагностицирани во нашата земја од почетокот на епидемијата изнесува 14600, бројката на оздравени пациенти е 11741, на починати е 606, а во моментов бројот на активни случаи во земјата изнесува 2253.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.